Orkuöryggi á Vestfjörðum - samkeppnisstaða og atvinnuþróun
í nóvember 2009 skipaði iðnaðarráðherra, Katrín Júlíusdóttir, ráðgjafahóp til þess að fara yfir fyrirliggjandi tillögur Landsnets um leiðir til að bæta raforkuöryggi á Vestfjörðum og leggja mat á það til hvaða aðgerða þurfi að grípa til að bæta samkeppnisstöðu Vestfjarða til atvinnuuppbyggingar í orkufrekum iðnaði.
Samkvæmt erindisbréfinu er verksvið ráðgjafahópsins eftirfarandi:
- Fara yfir fyrirliggjandi tillögur Landsnets um leiðir til að bæta raforkuöryggi á Vestfjörðum.
- Kanna viðhorf núverandi rekstraraðila á Vestfjörðum til ástands raforkukerfisins og áhrif þess á áframhaldandi atvinnuuppbyggingu.
- Fjalla um mismunandi möguleika á að nýta raforku til atvinnuuppbyggingar á Vestfjörðum á næstu árum.
- Draga upp mismunandi sviðsmyndir fyrir atvinnuþróun á Vestfjörðum og meta samsvarandi þörf fyrir afl og orku.
- Meta áhrif raforkuöryggis á möguleika til atvinnuuppbyggingar og hagvaxtar.
- Fara yfir þá möguleika sem fyrir hendi eru til aukinnar raforkuframleiðslu á Vestfjörðum og hvernig sú framleiðsla getur bætt gæði raforkukerfisins.
- Fara yfir mismunandi kosti þess að bæta tengingar fyrir flutning raforku milli Vestfjarða og annarra landshluta.
- Gera samanburð á virkni og hagkvæmni mismunandi kosta með hliðsjón af markmiðum verkefnisins
- Gera tillögur um aðgerðir til þess að bæta raforkuöryggi á Vestfjörðum og leggja mat á það til hvaða aðgerða þurfi að grípa til að bæta samkeppnisstöðu Vestfjarða til atvinnuuppbyggingar í orkufrekum iðnaði.
Þess er farið á leit að starfshópurinn hæfi störf nú þegar og skilaði ráðherra greinargerð fyrir lok ársins. Orkustofnun var falin umsjón með störfum hópsins.
Í ráðgjafahópinn voru skipuð þau:
- Guðni A. Jóhannesson, Orkumálastjóri, formaður
- Matthildur Helga- og Jónudóttir, framkvæmdastjóri Snerpu á Ísafirði
- Þorgeir Pálsson, framkvæmdastjóri Atvinnuþróunarfélags Vestfjarða
Skýrslur ráðgjafahópsins:
Orkuöryggi á Vestrfjörðum - áhrif á samkeppnisstöðu og atvinnuþróun