Hengilssvæði

Nesjavallavirkjun

Hengilssvæðið er með stærstu jarðhitasvæðum á landinu, eða um 140 km2. Það er þó ekki allt einn og sami suðupotturinn. Vesturhlutinn tengist eldstöðvarkerfi Hengilsins. Innan hans eru vinnslusvæðin á Nesjavöllum og á Hellisheiði. Austan Hengils er Ölkeldu­hálssvæðið, sem tengist Hrómundar­tindseldstöðinni. Sunnan þess er Hverahlíð og ný gögn benda til að vinnanlegur jarðhiti geti verið við Gráuhnúka og Meitil. Austasti hluti háhita­svæðisins tengist Hveragerðiseldstöðinni sem er útdauð og sundurgrafin.

Rafafl á Nesjavöllum er nú 120 MWe og varmaafl 300 MWth . Hellisheiðar virkjun er nú 213 MWe en fyrirhuguð er stækkun hennar um 90 MWe í rafafli og 400 MWth í varmaafli. Virkjun í Hverahlíð er áætluð 90 MWe. Alls er talið að Hengilssvæðið geti staðið undir um 700 MWe rafafli og enn meira varmafli.